Urugvay terma jamoasining sobiq hujumchisi Diyego Forlan «PSJ» hujumchilari Edinson Kavani va Neymar o‘rtasidagi mojaroga izoh berdi.
Eslatib o‘tamiz, Fransiya chempionatidan o‘rin olgan «Lion»ga (2:0) qarshi o‘yinda Neymar va Kavani penalti tepish borasida tortishib qolgandi. Shundan so‘ng, jarima to‘pi belgalangan boshqa vaziyatda Dani Alves to‘pni Kavanidan tortib olib, Neymarga uzatgandi.
«Kavani hurmatga loyiq. U ko‘p yillardan buyon PSJ klubida penalti tepib, jarima zarbalarini amalga oshirmoqda.
Neymar va Kavani orasidagi mojaro boshqa klublarda ham uchrab turadi. Ammo Alvesning qilig‘i hammasidan oshib tushdi. U Kavanidan to‘pni tortib olib, Neymarga uzatdi. Nima, u Neymarning itimi?" - dedi Forlan.
