Уругвай терма жамоасининг собиқ ҳужумчиси Диего Форлан «ПСЖ» ҳужумчилари Эдинсон Кавани ва Неймар ўртасидаги можарога изоҳ берди.
Эслатиб ўтамиз, Франция чемпионатидан ўрин олган «Лион»га (2:0) қарши ўйинда Неймар ва Кавани пенальти тепиш борасида тортишиб қолганди. Шундан сўнг, жарима тўпи белгаланган бошқа вазиятда Дани Алвес тўпни Каванидан тортиб олиб, Неймарга узатганди.
«Кавани ҳурматга лойиқ. У кўп йиллардан буён ПСЖ клубида пенальти тепиб, жарима зарбаларини амалга оширмоқда.
Неймар ва Кавани орасидаги можаро бошқа клубларда ҳам учраб туради. Аммо Алвеснинг қилиғи ҳаммасидан ошиб тушди. У Каванидан тўпни тортиб олиб, Неймарга узатди. Нима, у Неймарнинг итими?" - деди Форлан.
