Boks afsonasi, sobiq jahon chempioni Djeyk Lamotta kuni kecha 95 yoshida olamdan ko‘z yumdi.
Turli manbalarda aytilishicha, u 1922 yilning iyulida Bronksda tug‘ilgan. Professional bokschilik faoliyatini u 20 yoshida boshlagan. Oradan sakkiz yil o‘tib o‘rta vaznda jahon chempioni unvonini qo‘lga kiritgan va uni 1951 yilgacha ushlab turgan. 1951 yilning 14 fevralida Lamotta afsonaviy Rey Robinsonga yutqazadi. Lekin g‘olibga muvaffaqiyat osonlikcha kelmadi: jang shunchalik qonli bo‘lgandiki, uni «avliyo Valentin kunidagi qonli jang» deb atashdi. Lamotta Robinsonga qarshi ringga olti marta ko‘tarilgan.
13 yillik bokschilik faoliyatida Lamotta 106 ta jang o‘tkazgan: 83 marta g‘alaba erishgan, shulardan 30 tasini nokaut bilan yakunlagan. Shu bilan birga, o‘zi biron marta ham nokautga uchramagan, garchi to‘rt marotaba muddatidan odin mag‘lubiyatga uchragan bo‘lsa ham. Jangni o‘tkazish uslubiga ko‘ri uni Quturgan buqa deb atashgan. U doim oldinga qarab borardi, e’tiborini kuchli zarbalarga qaratardi, o‘ziga kelib tushishi mumkin bo‘lgan javob zarbalari haqida o‘ylamasdi. U iyagi eng mustahkam sportchi nomini qozongandi.
Amerikalik bokschi AQSHda shu qadar mashhurlikka erishgan ediki, 1980 yilda taniqli rejissyor Martin Skorseze Gollivudda uning faoliyati haqida «Quturgan buqa» filmini suratga olgandi. Filmda bosh rolni Robert de Niro ijro etgan.
Xabar qilinishicha, bokschi qariyalar uyida pnevmoniyadan vafot etgan.
