Kecha, 20-sentyabr kuni Eron Pro-ligasining 7-tur bahslariga start berildi.

Mazkur turni terma jamoamiz vise-sardori – Server Jeparov o‘ynaydigan «Istiqlol» hamda «Zob Ohan» klublari o‘rtasidagi o‘yin ochib berdi.

Tehronda o‘tgan bahs 1:1 hisobida o‘z poyoniga yetdi. 12 daqiqada «Istiqlol» vakili Ruzbeh Chashmi o‘z jamoasini hisobda oldinga olib chiqqan bo‘lsa, 77 daqiqada Mehdi Mehdipur muvozanatni tikladi va jamoalar bir ochkodan bo‘lishib olishdi.

Mazkur o‘yinda Server Jeparov asosiy tarkibda maydonga tushib, 84 daqiqada o‘z o‘rnini boshqa jamoadoshiga bo‘shatib berdi.

«ISTIQLOL»-«ZOB OHAN»-1:1 (1:0)

Gollar: Ruzbeh Chashmi (12) - Mehdi Mehdipur (77).

Istiqlol: Saidhusayn Husayni, Leandro Padovani, Ruzbeh Chashmi, Vurya G‘ofuri, Milad Zakipur, Omid Nurafkan, Farshid Bagiri, Farshid Ismoili, Server Jeparov (Umid Ibrohimiy, 84), Hasan Beytsaid, Ali Gorbani (Jobir Ansori, 71).