Кеча, 20-сентябрь куни Эрон Про-лигасининг 7-тур баҳсларига старт берилди.
Мазкур турни терма жамоамиз вице-сардори – Сервер Жепаров ўйнайдиган «Истиқлол» ҳамда «Зоб Оҳан» клублари ўртасидаги ўйин очиб берди.
Теҳронда ўтган баҳс 1:1 ҳисобида ўз поёнига етди. 12 дақиқада «Истиқлол» вакили Рузбеҳ Чашми ўз жамоасини ҳисобда олдинга олиб чиққан бўлса, 77 дақиқада Меҳди Меҳдипур мувозанатни тиклади ва жамоалар бир очкодан бўлишиб олишди.
Мазкур ўйинда Сервер Жепаров асосий таркибда майдонга тушиб, 84 дақиқада ўз ўрнини бошқа жамоадошига бўшатиб берди.
«ИСТИҚЛОЛ»-«ЗОБ ОҲАН»-1:1 (1:0)
Голлар: Рузбеҳ Чашми (12) - Меҳди Меҳдипур (77).
Истиқлол: Саидҳусайн Ҳусайни, Леандро Падовани, Рузбеҳ Чашми, Вуря Ғофури, Милад Закипур, Омид Нурафкан, Фаршид Багири, Фаршид Исмоили, Сервер Жепаров (Умид Иброҳимий, 84), Ҳасан Бейтсаид, Али Горбани (Жобир Ансори, 71).
