Turkmanistonning Ashxobod shahrida Yopiq inshootlarda va jang san’atlari bo‘yicha V Osiyo o‘yinlarining kurash bo‘yicha bahslarda hamyurtlarimiz muvaffaqiyatli ishtirokini davom ettirmoqda.

Kecha 81 kilogrammgacha vazn toifasida polvonimiz Kamoliddin Rasulov yamanlik Muhammad Husayn Al-Jarraxni, yarimfinalda turkmanistonlik Muhammad Temirovni mag‘lubiyatga uchratdi. Final bellashuvida Kamoliddin Xitoy Taypeyi vakili Ta Chun Xuang ustidan 5:0 hisobida zafar quchib, oltin medalga sazovor bo‘ldi.

Shuningdek, Davlat Abrayev va Kumush Yo‘ldosheva ham shohsupaning eng yuqori pog‘onasiga ko‘tarilgan bo‘lsa, Gavhar Xudoyqulova bronza medal bilan taqdirlandi.
Og‘ir atletikachilar musobaqasida Shahzod Xudoyberganov kumush, taekvondochilar bahsida Shuhrat Salayev bronza medal sohibi bo‘ldi.