Sky Sports telekanali eksperti Pol Merson APLning navbatdagi turi oldidan o‘z prognozlarini bildirib o‘tdi.
«Sauthempton» – «Manchester Yunayted»
«Avliyolar» o‘tgan turda «Kristal Pelas»ga qarshi yomon o‘yin ko‘rsatmagandi. Bu jamoa «Uotford»ga qarshi mag‘lubiyatli o‘yindan keyin o‘zini o‘nglay oldi. Ha, ular ko‘p gol urishmayapti, «Manchester Yunayted» kabi jamoalarga qarshi o‘yinda gol urish esa yanada qiyin. Bugungi kunda «qizil iblislar»ning mudofaasi juda yaxshi.
Men shu vaqtgacha «MYU» atrofidagi gaplarga ko‘p e’tibor qaratmadim. Odamlar Joze Mourinyoning jamoasi haqida turligaplarni aytishmoqda. O‘ylaymanki, «Everton»ning o‘yinning dastlabki qismida omadi kelmagandi. Oxirgi 10 daqiqalikda esa «Yunayted» osonlik bilan gollar urib tashladi, bunday holat «Suonsi»da ham kuzatilgandi. Menimcha «Manchester» endi jiddiy sinovdan o‘tadi, lekin men ular yana 3 ochko oladi, deb o‘ylamoqdaman».
«Lester» – «Liverpul»
«Agar Yurgen Klopp shogirdlari o‘z imkoniyatlaridan foydalana olishganida, ular g‘alabaga erishardilar. Men bunga ishonch bildiraman. Ularga bu ochkolar kerak edi, axir Manchester klublari turnir jadvalida ilgarilab ketdi.
Albatta, «Liverpul» Liga Kubogini ham omadsizlik tufayli tark etdi (jamoa «Lester»ga 0:2 hisobida yutqazdi). Ular birinchi bo‘limda ustunlik qilishdi. Lekin «Liverpul» quruq g‘alabaga erishishi qiyin. «Qizillar» himoyasida muammolar bor».
«Stok Siti» – «Chelsi»
«Chelsi» «Arsenal»ga qarshi ishonchli o‘yin ko‘rsata olmadi. Pedro golli imkoniyatdan foydalana olmadi. Umuman, jamoada vaziyatlar ko‘p bo‘lmadi. Menimcha, «Chelsi» g‘alaba qozonishga majbur. Avval aytganimdek, Manchester klublari raqobatchilardan ilgarilab ketmoqda.
Agar «ko‘klar» «Stok»ka yutqazsa, keyin«Manchester Siti»ga yutqazsa, (bu o‘yin 30 sentyabr kuni bo‘ladi) unda farq yana kattalashib ketadi.
Men «Stok»ning bu mavsumdagi o‘yinlaridan yaxshi taassurotda emasman, ayniqsa, «Nyukasl»ga qarshi o‘yinda. Ular sovrin uchun kurashmasligini ko‘rsatishmoqda. Ular turnir jadvali o‘rtasida yurishga rozi. Lekin bu jamoa «Chelsi»ni yengishga harakat qilib ko‘radi? Bu sensasiyaga aylangan bo‘lardi», – degan ekspert.
Bu turda yana quyidagi to‘qnashuvlarga guvoh bo‘lish mumkin.
23 sentyabr
«Vest Hem» - «Tottenhem»
«Byornli» - «Haddersfild»
«Manchester Siti» - «Kristal Pelas»
«Suonsi» - «Uotford»
«Everton» - «Bornmut»
24 sentyabr
«Brayton» - «Nyukasl»
25 sentyabr
«Arsenal» - «Vest Bromvich»
