“Roma” va “Milan”ning sobiq himoyachisi Kafuning fikriga ko‘ra, “Yuventus” va “Napoli” ayni damda liga chempionligi uchun kurashadi.

"Menimcha, "Yuventus" ikki muhim o‘yinchisini yo‘qotganiga qaramay, o‘tgan mavsumga qaraganda ancha kuchaygan. «Napoli» va «Yuventus» o‘zlarining oldingi konsepsiyasi bilan o‘ynamoqda. Ikki klub ham mavsumni yaxshi boshladi va a’lo darajada o‘yin ko‘rsatmoqda.

«Napoli» — har doim o‘z maqsadlariga yetadigan jamoa. «Yuventus» har doim mavsumda ko‘proq ochko olib, titul uchun harakat qiladi. Turinliklar boshqalarga ochkoni osonlikcha berib yubormaydi", — deydi Kafu "Football Italia" nashriga.