“Manchester Yunayted” bosh murabbiyi Joze Mourinyo “Sautgepmton”ga qarshi uchrashuv (1:0) da hakam Kreyg Pouson tomonidan chetlatilganini tushunmaganini aytib o‘tdi.
“Bilmayman, nimaga chetlatildim. Kreyg meni tribunaga borishimni aytdi va men ketdim. Bu holat bo‘yicha undan tushuncha so‘ramadim.
U menga maydonni tark etishimni aytdi, ketayotganimda zaxira hakami bilan to‘qnashib ketdim, bor gap shu”, — deydi Mourinyo.
Manchester Evening News nashrining xabariga ko‘ra, Mourinbo Ander Erreraga ko‘rsatma berish uchun maydonga chiqib ketgan va buni zaxira hakami Mayk Jons bosh hakam Pousonga yetkazgan.
