«PSJ» prezidenti Nossir al-Xelayfiy jamoa hujumchisi Edinson Kavani 1 mln yevro taklif qilib, penalti tepish huquqini Neymarga berishni so‘radi. Bu haqda El Pais xabar tarqatdi.

Urugvaylik futbolchi bilan tuzilgan shartnomaga ko‘ra, Kavani Fransiya chempionatining eng yaxshi to‘purariga aylansa, Kavani qo‘shimcha 1 mln yevro daromad ishlab topadi. Al-Xelayfiy esa to‘purarlik poygasi natijasidan qat’iy nazar futbolchiga 1 mln. yevro mukofotni berishga va’da berdi. Ammo Kavani bu taklifga rad javobini berdi va penalti tepish huquqini Neymarga berishni istamadi.

Manbaga ko‘ra, shundan so‘ng jamoa xo‘jayini o‘z vakillarini Neymarning oldiga yuborib, penalti tepish huquqini Kavaniga berish uchun ko‘ndirishga harakat qildi. Ammo braziyalik futbolchi ham Al-Xelayfiyning iltimosiga rad javobini berdi.