Britaniyalik siyosatchi Alister Kempbell hujumchi Ruud van Nistelroyning «Manchester Yunayted» klubini tark etishi tafsilotlariga to‘xtaldi.
«Aleks Fergyuson Ruudni juda xudbin deb bilar edi, biroq unga nisbatan chora topolmasdi.
Bir kuni van Nistelroy Ronalduga nisbatan haqoratli gaplarni aytdi. Ma’lumki, Krishtianuning otasi ichkilikbozlik tufayli olamdan o‘tgan edi. Ruud esa o‘sha paytda Fergyusonning yordamchisi bo‘lib ishlagan Karlush Keyrushni "Ronalduning yangi otasi" deb atay boshladi. Karlush buni eshitib, Ruudni boshqalarni hurmat qilishga chaqirdi. Biroq u qo‘l siltab qo‘yaqoldi.
Keyinchalik, Ruud Ronaldudan uzr so‘radi, biroq u uning uzrini qabul qilmadi. Bu mojaroni eshitgan Fergyuson shu zahoti van Nistelroyni uyiga jo‘natib yubordi», — deb yozdi Kempbell o‘z kitobida.
Eslatib o‘tamiz, 2006 yilda van Nistelroy "Real" klubiga o‘tdi. 2009 yilda esa u yerga Ronaldu ham bordi. Yarim yildan so‘ng esa, gollandiyalik hujumchi "Real"ni tark etdi.
