Британиялик сиёсатчи Алистер Кэмпбелл ҳужумчи Рууд ван Нистелройнинг «Манчестер Юнайтед» клубини тарк этиши тафсилотларига тўхталди.

«Алекс Фергюсон Руудни жуда худбин деб билар эди, бироқ унга нисбатан чора тополмасди.

Бир куни ван Нистелрой Роналдуга нисбатан ҳақоратли гапларни айтди. Маълумки, Криштианунинг отаси ичкиликбозлик туфайли оламдан ўтган эди. Рууд эса ўша пайтда Фергюсоннинг ёрдамчиси бўлиб ишлаган Карлуш Кейрушни "Роналдунинг янги отаси" деб атай бошлади. Карлуш буни эшитиб, Руудни бошқаларни ҳурмат қилишга чақирди. Бироқ у қўл силтаб қўяқолди.

Кейинчалик, Рууд Роналдудан узр сўради, бироқ у унинг узрини қабул қилмади. Бу можарони эшитган Фергюсон шу заҳоти ван Нистелройни уйига жўнатиб юборди», — деб ёзди Кэмпбелл ўз китобида.

Эслатиб ўтамиз, 2006 йилда ван Нистелрой "Реал" клубига ўтди. 2009 йилда эса у ерга Роналду ҳам борди. Ярим йилдан сўнг эса, голландиялик ҳужумчи "Реал"ни тарк этди.