“Manchester Yunayted” klubi bosh murabbiyi Joze Mourinyo “Sautgempton”ga qarshi uchrashuv (1:0) dagi chetlatishi uchun jarima to‘lamaydigan ko‘rinadi.

Eslatib o‘tamiz, Mourinbo o‘yinga qo‘shib berilgan daqiqalarda maydonga chiqib, Ander  Errerega ko‘rsatma bergani uchun hakam tomonidan chetlatilgandi.

Ma’lumotlarga ko‘ra, Joze “MYU”ning APLdagi keyingi o‘yinida jamoani boshlab tushadi.

Daily Mail nashrining xabariga ko‘ra, Mourinyo hakamlar sha’niga yomon so‘zlar gapirmagan, bundan tashqari u o‘yindan keyin hakamlardan norozi emasligini bildirib o‘tgan.

Bunday vaziyatda Angliya futbol assosiasiyasi faqatgina zaxira hakami Pouson Mourinyo ustidan shikoyat qilsagina portugaliyalik mutaxassis chetlatilishi mumkin. Lekin Mourinyo Pousonni ko‘rmasdan u bilan to‘qnashib ketgan xolos.

Ma’lumot uchun, “Manchester Yunayted” Yevropa Chempionlar ligasida 27 sentyabr kuni Moskvaga tashrif buyurib, SSKA mehmoni bo‘ladi.