Futbol bo‘yicha O‘zbekiston Oliy Ligasining 19-turidan qolib ketgan uch uchrashuv bugun — 26 sentyabr kuni bo‘lib o‘tadi.
Peshqadam «Lokomotiv» Olmaliqqa safar etadi. Mazkur jamoalarning Toshkentda kechgan birinchi uchrashuvida «temiryo‘lchilar» 5:0 hisobida zafar quchgandi. Ammo safarda oson bo‘lmasligi aniq. Boisi Viktor Kumikov boshqaruvidagi «Olmaliq» mavsum boshidan buyon o‘z maydonida mag‘lub bo‘lmagan.
«Olmaliq» o‘z uyida grandlardan «Paxtakor»ni 2:0, «Nasaf»ni 1:0 hisobida taslim qilgan, «Bunyodkor» bilan esa 0:0 hisobida durang o‘ynagan. O‘z navbatida amaldagi chempion hisoblangan «Lokomotiv» o‘zining so‘nggi ikki o‘yinida mag‘lub bo‘ldi: «Nasaf» 0:2, «Paxtakor» 0:1.
Bugun yana ikki uchrashuv bo‘lib o‘tadi. «Nasaf», «Paxtakor» va «Bunyodkor»da ochkolar tengligi inobatga olinsa, bugun ikki klubda Mirjalol Qosimov jamoasidan o‘zib ketish imkoniyati bor.
O‘zbekiston Oliy Ligasi
19-tur bellashuvlari
26 sentyabr, seshanba
«So‘g‘diyona» — «Nasaf» — 17:00
«Olmaliq» — «Lokomotiv» — 17:30
«Paxtakor» — «Mash’al» — 19:00
