Angliyaning “Manchester Yunayted” klubi moliyaviy hisobotini e’lon qildi.

Unga ko‘ra, “qizil iblislar” 2016–2017 yil mavsumida 581 mln funt daromad topgan. Sof foyda esa 80.8 millionni tashkil etadi.

Ushbu ko‘rsatkich 2015/16 yil mavsumida 515,3 million, sof foyda 68,9 millionni tashkil etgandi. Jamoa o‘tgan mavsumda avvalgisidan 66 million ko‘proq daromad topishga erishgan, sof foyda orasidagi farq esa 11,9 millionga teng.

“Manchester Yunayted”ning maoshlar haqidagi bayonotiga ko‘ra 263.5 mln funt, ya’ni, o‘tgan mavsumdagiga qaraganda 31.3 millionga ko‘proq ekanligi ham ma’lum bo‘ldi. “Manchester Yunayted” Angliya Premyer-Ligasi jamoalari orasida futbolchilariga eng ko‘p maosh to‘layotgan jamoa hisoblanadi.

Shuningdek, “Manchester Yunayted” qarzlarini ham kamaytirishga erishdi. Jamoa egasi hisoblanmish, Gleyzerlar oilasi qarzlarini 2005 yilda jamoani sotib olganidan keyin 260.9 milliondan 213.1 millionga kamaytirdi.

“Qizil iblislar”ning umumiy foydasi mavsum yakuniga ko‘ra, 585 million funtgacha oshishi kutilmoqda.

“MYU” 1992/93 yildan beri sovrinlar orqali 1 milliard funt ishlab olgan ilk jamoa bo‘lgandi. Ma’lumot uchun, “Forbes”ning yangi ko‘rsatkichlariga ko‘ra, “Manchester Yunayted” dunyoning eng boy jamoasi hisoblanadi.