Turkmaniston poytaxti Ashxobod shahrida Yopiq inshootlardagi Osiyo o‘yinlarining futzal musobaqasi o‘z yakuniga yetdi. Final bahsida O‘zbekiston va Eron terma jamoalari o‘zaro bahs olib bordi.

Mazkur uchrashuvda O‘zbekiston futzal terma jamoasi 1:7 hisobida imkoniyatni boy berib, Osiyo o‘yinlarining kumush medaliga sazovor bo‘ldi. Bahodir Ahmedov jamoasining yagona goliga 29-daqiqada Davron Choriyev mualliflik qildi. Shunday qilib, O‘zbekiston termasi Osiyo o‘yinlarining kumush medaliga sazovor bo‘ldi.

Yarimfinalda O‘zbekistondan yengilgan Yaponiya termasi bronza medali uchun o‘yinda Afg‘oniston bilan o‘ynadi. Asosiy va qo‘shimcha vaqtda 1:1 hisobi qayd etildi. Penaltilar seriyasida esa yaponiyaliklar 3:1 hisobida g‘alaba qozondi.

Yopiq inshootlardagi Osiyo o‘yinlari

Futzal. Final
Ashxobod, Turkmaniston

Eron – O‘zbekiston 7:1

Gollar: Mahdi Javid (4, 9, 32, 36), Ali Ashar Hasanzoda (21, 37), Hamid Ahmadidazay (31) – Davron Choriyev (29)

Ogohlantirishlar: Artur Yunusov (8), Konstantin Sviridov (31)