"Mash’al" bosh murabbiyi Aleksandr Xomyakov "Paxtakor"ga (1:3) qarshi Oliy liganinig kechiktirilgan o‘yinidan keyin o‘z fikrlari bilan o‘rtoqlashdi.
- "Paxtakor" maydonda bugun bizdan yaxshi o‘ynadi va haqli ravishda g‘alaba qozondi. Tezkor gol bizning taktik rejalarimizni buzib yubordi. Jamoamiz raqib darvozasi oldida kerakligicha vaziyatlar yarata olmadi. Qarshi hujumda esa umuman o‘ynay olmadik. "Paxtakor"ga qarshi bu kabi xatolarga yo‘l qo‘yish yaramaydi.
"Paxtakor" jamoasi darajasi yaxshi ekanligini ko‘rinib turibdi. Jamoa saviya bobida ancha ustun. Ijrochilar ham ancha mahoratli. Ammo biz raqibni yaxshi o‘rgangandik, ularni kuchli va kuchsiz taraflarini bilardik.
"Paxtakor" to‘pni yo‘qotgach tezda himoyaga qaytib olmoqda. Ular bugun barcha jihatlar bo‘yicha bizni taslim etishdi.
Zafar To‘rayevni boshlang‘ich tarkibga kirmagani nima bilan bog‘liq? Biz o‘yinga Kenja To‘rayev va Humoyun Murtazoyevning tezkor harakatlariga tayanib reja tuzgandik. Chunki aynan ular Zafar To‘rayevdan ko‘ra ko‘proq foyda keltirishlari mumkin, deb o‘ylagandik. Shu boisdan ham Zafar To‘rayev o‘yinni zaxira o‘rindig‘ida boshladi.
