“Atletiko” klubi bosh murabbiyi Diyego Simeone “Chelsi”ga qarshi uchrashuv oldidan har ikki jamoa darvozabonlari Yan Oblak va Tibo Kurtualar haqida ijobiy fikrlarini bildirib o‘tdi.

“Kurtua va Oblak – dunyoning eng yaxshi darvozabonlaridan biri hisoblanadi. Kurtuani Oblakka almashtirganimdan afsuslanmayman, ularning har ikkisi ham yuqori darajadagi darvozabonlar sirasiga kiradi.

Bugungi o‘yinga tarkibni futbolchilarning individual mahoratiga qarab tanlayman. Agar futbolchi sport formasida emas, u zaxirada qoladi. Standart vaziyatlar o‘yin taqdirini hal qilishi mumkin”, – deydi Simeone.