“Атлетико” клуби бош мураббийи Диего Симеоне “Челси”га қарши учрашув олдидан ҳар икки жамоа дарвозабонлари Ян Облак ва Тибо Куртуалар ҳақида ижобий фикрларини билдириб ўтди.

“Куртуа ва Облак – дунёнинг энг яхши дарвозабонларидан бири ҳисобланади. Куртуани Облакка алмаштирганимдан афсусланмайман, уларнинг ҳар иккиси ҳам юқори даражадаги дарвозабонлар сирасига киради.

Бугунги ўйинга таркибни футболчиларнинг индивидуал маҳоратига қараб танлайман. Агар футболчи спорт формасида эмас, у захирада қолади. Стандарт вазиятлар ўйин тақдирини ҳал қилиши мумкин”, – дейди Симеоне.