«Qo‘qon-1912» ertaga  o‘z maydonida  “Sho‘rtan”ga qarshi maydonga tushadi. Mazkur uchrashuvga doir statistik ma’lumotlar bilan tanishing.
 
Oliy ligadagi oltinchi uchrashuv
“Qo‘qon-1912” hamda “Sho‘rtan” klublari oliy ligada bugunga qadar besh marta to‘qnash kelishgan. O‘yinlarning to‘rttasida qo‘qonliklar g‘alaba qozongan bo‘lsa, bitta bahsda g‘olib nomi aniqlanmagan. To‘plar nisbati – 13:7 , «Qo‘qon-1912»  foydasiga. O‘zaro o‘yinlarda qo‘qonliklar 13 ochkoga ega bo‘lishgan. G‘uzorliklarning bu boradagi ko‘rsatkichi 1 ochkoga teng.  

2015 yil 16 may kuni Qo‘qon shahrida bo‘lib o‘tgan o‘yinda mezbonlar 2:1 hisobida g‘alaba qozonishgan. 2016 yil 26 iyun kuni “Markaziy” o‘yingohda o‘tkazilgan bahsda «Qo‘qon-1912» raqibni 4:2 hisobida dog‘da qoldirgan.

Hakamlar
Shanba kungi uchrashuvimizni Aziz Asimov boshchiligidagi hakamlar boshqarib borishadi. Aziz Asimov ushbu mavsumda ikki marta «Qo‘qon-1912» ishtirokidagi uchrashuvda ishlagan. Ushbu referi 2-tur doirasidagi “Obod” – “Qo‘qon-1912” o‘yinini hamda 15-turdagi “Olmaliq” – “Qo‘qon-1912” jamoalari uchrashuvini boshqargan.

Oliy liga, 23-tur
«Qo‘qon-1912» (Qo‘qon) – «Sho‘rtan» (G‘uzor)
Hakamlar: A. Asimov (Toshkent), R. Fozilov (Namangan), M. Majidov (Namangan), B. Yulcharayev (Guliston)
Nazoratchi: R. Serazetdinov (Toshkent).
O‘zPFL vakili: G. Rtveladze.

Boshlanish vaqtlari
“Qo‘qon-1912” – “Sho‘rtan” jamoalari o‘rtasidagi bahs, shanba kuni, soat 16:00 da boshlanadigan bo‘ldi. Ushbu jamoalarning o‘rinbosarlar tarkiblari o‘rtasidagi uchrashuv esa  bugun soat 15:30da start oladi. Har ikkala o‘yin ham Qo‘qondagi “Markaziy” stadionida bo‘lib o‘tadi.

Barchani “Markaziy” stadioniga taklif qilamiz!