«Қўқон-1912» эртага  ўз майдонида  “Шўртан”га қарши майдонга тушади. Мазкур учрашувга доир статистик маълумотлар билан танишинг.
 
Олий лигадаги олтинчи учрашув
“Қўқон-1912” ҳамда “Шўртан” клублари олий лигада бугунга қадар беш марта тўқнаш келишган. Ўйинларнинг тўрттасида қўқонликлар ғалаба қозонган бўлса, битта баҳсда ғолиб номи аниқланмаган. Тўплар нисбати – 13:7 , «Қўқон-1912»  фойдасига. Ўзаро ўйинларда қўқонликлар 13 очкога эга бўлишган. Ғузорликларнинг бу борадаги кўрсаткичи 1 очкога тенг.  

2015 йил 16 май куни Қўқон шаҳрида бўлиб ўтган ўйинда мезбонлар 2:1 ҳисобида ғалаба қозонишган. 2016 йил 26 июнь куни “Марказий” ўйингоҳда ўтказилган баҳсда «Қўқон-1912» рақибни 4:2 ҳисобида доғда қолдирган.

Ҳакамлар
Шанба кунги учрашувимизни Азиз Асимов бошчилигидаги ҳакамлар бошқариб боришади. Азиз Асимов ушбу мавсумда икки марта «Қўқон-1912» иштирокидаги учрашувда ишлаган. Ушбу рефери 2-тур доирасидаги “Обод” – “Қўқон-1912” ўйинини ҳамда 15-турдаги “Олмалиқ” – “Қўқон-1912” жамоалари учрашувини бошқарган.

Олий лига, 23-тур
«Қўқон-1912» (Қўқон) – «Шўртан» (Ғузор)
Ҳакамлар: А. Асимов (Тошкент), Р. Фозилов (Наманган), М. Мажидов (Наманган), Б. Юльчараев (Гулистон)
Назоратчи: Р. Серазетдинов (Тошкент).
ЎзПФЛ вакили: Г. Ртвеладзе.

Бошланиш вақтлари
“Қўқон-1912” – “Шўртан” жамоалари ўртасидаги баҳс, шанба куни, соат 16:00 да бошланадиган бўлди. Ушбу жамоаларнинг ўринбосарлар таркиблари ўртасидаги учрашув эса  бугун соат 15:30да старт олади. Ҳар иккала ўйин ҳам Қўқондаги “Марказий” стадионида бўлиб ўтади.

Барчани “Марказий” стадионига таклиф қиламиз!