Shu yilning 1 oktyabr kuni Oliy liganing 23-turida "Paxtakor" Namanganda "Navbahor"ga qarshi maydonga tushadi.

Joriy mavsumda o‘z maydonida mag‘lubiyatga uchramagan "Navbahor" bilan bellashuv keskin kechishi kutilmoqda. O‘yinda mezbonlardan darvozabon Asilbek Omonov diskvalifikasiya sababli maydonga tusha olmaydi.

Oliy liganing barcha mavsumlarida ishtirok etib kelayotgan jamoalar 51 bor to‘qnash kelishgan. "Paxtakor" 34 g‘alabaga erishgan bo‘lsa, raqib hisobida 11 g‘alaba mavjud. 6 bellashuv durang bilan tugagan. Namanganliklar darvozasiga 91 to‘p kiritgan "sherlar" 37 marta gol o‘tkazishgan. So‘nggi uch mavsumda jamoa safardan g‘alaba bilan qaytgani e’tiborga molik.

Uchrashuvni Ilgiz Tantashev boshchiligidagi hakamlar guruhi boshqarib boradi. Tantashev "Paxtakor" ishtirokida chempionatlarda 13 o‘yinda hakamlik qilgan. Ularda 9 g‘alaba, 3 durang va bir mag‘lubiyatni qayd etganmiz. Oxirgi marta joriy mavsum "Obod"ga qarshi uchrashuvda Tantashev ishlagan va jamoamiz 4:1 hisobida g‘alaba qozongandi.

"NAVBAHOR" - "PAXTAKOR"
Hakamlar: Ilgiz Tantashev (Buxoro), Husniddin Shodmonov (Buxoro), Abdurahmon Qo‘ldoshev (Buxoro), Dauletboy Jalimov (Toshkent viloyati).
Nazoratchi: Rashid Aytekov (Toshkent).

Yoshlar tarkiblari uchrashuvi 30 sentyabr, shanba kuni To‘raqo‘rg‘ondagi stadionda 16:00da boshlanadi. Asosiy jamoalar o‘yini "Markaziy" stadionda 1 oktyabr, yakshanba kuni 18:00da start oladi.