"Chelsi" hujumchisi Alvaro Morata mavsum boshida og‘ir damlarni boshidan kechirganini aytdi.

Futbolchi jamoasi tarkibidagi ilk rasmiy o‘yin - "Arsenal"ga qarshi Superkubok bahsida penaltini aniq amalga oshirolmagandi.

"Yangi jamoa tarkibidagi debyutim omadli bo‘lmadi. Men ilk o‘yindayoq xatoga yo‘l qo‘ydim. Amalga oshirilmagan penaltidan so‘ng, bir necha kun o‘zimga kelolmadim. Ko‘p noliganim sababli, xotinim ham uydan haydab yubormoqchi edi.

Ammo, keyinchalik o‘zimga kelib, iroda namoyish qildim. Endi hammasi joyida. Umid qilamanki, shunday o‘yin namoyish qilishda davom etaman" - dedi Alvaro 101greatgoals xabarida.

Morata mavsum boshidan buyon "Chelsi" tarkibida o‘tkazgan 8ta o‘yinida 7ta gol urib, 2ta golli uzatmani amalga oshirgan.