"Челси" ҳужумчиси Альваро Мората мавсум бошида оғир дамларни бошидан кечирганини айтди.
Футболчи жамоаси таркибидаги илк расмий ўйин - "Арсенал"га қарши Суперкубок баҳсида пенальтини аниқ амалга оширолмаганди.
"Янги жамоа таркибидаги дебютим омадли бўлмади. Мен илк ўйиндаёқ хатога йўл қўйдим. Амалга оширилмаган пенальтидан сўнг, бир неча кун ўзимга келолмадим. Кўп нолиганим сабабли, хотиним ҳам уйдан ҳайдаб юбормоқчи эди.
Аммо, кейинчалик ўзимга келиб, ирода намойиш қилдим. Энди ҳаммаси жойида. Умид қиламанки, шундай ўйин намойиш қилишда давом этаман" - деди Альваро 101greatgoals хабарида.
Мората мавсум бошидан буён "Челси" таркибида ўтказган 8та ўйинида 7та гол уриб, 2та голли узатмани амалга оширган.
