Oliy liganing 23-turida «Olmaliq» - «Neftchi» o‘yini o‘tkazildi.

Farg‘onaliklar hujumchisi Muzaffar Muzaffarov tomonidan urilgan ikkita golga mezbonlar vakili Kosminin bitta gol bilan javob qaytardi. Natijada «Neftchi» Vadim Abramov boshchiligida ilk g‘alabani qo‘lga kiritdi. Jamoa bungacha 12 uchrashuvdan buyon g‘alaba nimaligini bilmay kelayotgandi.

Bu g‘alabadan keyin «Neftchi» hisobidagi ochkolar soni 17taga yetdi va ular 14-o‘rinda borayotgan «Sho‘rtan» bilan oradagi farqni 3 ochkoga qisqartirdi. «Olmaliq» esa 32 ochko bilan 9-pog‘onada qoldi.

Oliy liga, 23-tur
«Olmaliq» – «Neftchi» 1:2 (0:1)
Gollar: Vladislav Kosminin (66) — Muzaffar Muzaffarov (3, 83).
«Olmaliq»: Nizomiddin Ziyovuddinov, Abduqahhor Xojiakbarov, Dilshod Jo‘rayev, Lutfulla To‘rayev, Shavkat Mullajonov, Islom Inomov, Zafar Polvonov, Rahmatullo Berdimurodov, Sanjar Rixsiboyev, Igor Yelich, Vladislav Kosminin.
«Neftchi»: Abdumavlon Abdujalilov, Doston Tursunov, Muzaffar Muzaffarov, Muhsin Ubaydullayev, Abdurahmon Abdulhaqov, Ibrohim Rahimov, Abror Ismoilov, Alisher Shog‘ulomov, Islom Toshpo‘latov, Boburbek Yo‘ldashev, Avazbek O‘lmasaliyev.