Олий лиганинг 23-турида «Олмалиқ» - «Нефтчи» ўйини ўтказилди.
Фарғоналиклар ҳужумчиси Музаффар Музаффаров томонидан урилган иккита голга мезбонлар вакили Косминин битта гол билан жавоб қайтарди. Натижада «Нефтчи» Вадим Абрамов бошчилигида илк ғалабани қўлга киритди. Жамоа бунгача 12 учрашувдан буён ғалаба нималигини билмай келаётганди.
Бу ғалабадан кейин «Нефтчи» ҳисобидаги очколар сони 17тага етди ва улар 14-ўринда бораётган «Шўртан» билан орадаги фарқни 3 очкога қисқартирди. «Олмалиқ» эса 32 очко билан 9-поғонада қолди.
Олий лига, 23-тур
«Олмалиқ» – «Нефтчи» 1:2 (0:1)
Голлар: Владислав Косминин (66) — Музаффар Музаффаров (3, 83).
«Олмалиқ»: Низомиддин Зиёвуддинов, Абдуқаҳҳор Хожиакбаров, Дилшод Жўраев, Лутфулла Тўраев, Шавкат Муллажонов, Ислом Иномов, Зафар Полвонов, Раҳматулло Бердимуродов, Санжар Рихсибоев, Игорь Йелич, Владислав Косминин.
«Нефтчи»: Абдумавлон Абдужалилов, Достон Турсунов, Музаффар Музаффаров, Муҳсин Убайдуллаев, Абдураҳмон Абдулҳақов, Иброҳим Раҳимов, Аброр Исмоилов, Алишер Шоғуломов, Ислом Тошпўлатов, Бобурбек Йўлдашев, Авазбек Ўлмасалиев.
