Yoshlar ligasining 23-turida "Navbahor" - "Paxtakor" o‘yini o‘tkazildi.
Birinchi bo‘limda tashabbusga ega bo‘lgan mehmonlar tez orada hisobni ochdi. O‘rinboyev aniq zarbasi bilan Paxtakorni hisobda oldinga olib chiqdi. 42-daqiqada Georgiy Ahmedov o‘rtadagi farqni ikkitaga oshirdi.
Ikkinchi bo‘lim boshida mezbonlar Xursanovning goli evaziga hisobni qisqartirishdi. Bunga esa 68-daqiqada O‘rinboyev dubli bilan javob qaytardi. G‘alabaga darvozabon Ergashev munosib hissa qo‘shdi. U 80-daqiqada Xursanovning penaltidan tepgan to‘pini qaytardi.
"Paxtakor" yoshlari 23 o‘yindan so‘ng 47 ochko to‘plagan holda peshqadamlikni davom ettirmoqda.
Yoshlar ligasi, 23-tur
30 sentyabr. To‘raqo‘rg‘on. "Yoshlik" stadioni.
"NAVBAHOR" - "PAXTAKOR" - 1:3 (0:2)
Gollar: O‘rinboyev, 10 - 0:1. G.Ahmedov, 42 - 0:2. Xursanov, 49 - 1:2. O‘rinboyev, 68 - 1:3.
Foydalanilmagan penalti: Xursanov, 80 (darvozabon).
Hakam: Dauletboy Jalimov (Toshkent viloyati).
"Navbahor": Omonov (Obidjonov, 46), Olimjonov, Siddiqjonov, Najmiddinov, Hamidov (Abdullayev, 55), Ahmadaliyev, Toshmirzayev, Xursanov (Turg‘unboyev, 82), G‘ulomov, Aliboyev (Gapparov, 63), Nishonboyev.
"Paxtakor": Ergashev, Yusupov (I.Yo‘ldoshev, 68), Asqarov, Ermamatov, N.Yo‘ldoshev, Saidazimov, G.Ahmedov, Sindarov, Sobirjonov (Nishonov, 86), Sa’dillayev (Qudratillayev, 69), O‘rinboyev (G‘anixonov, 90+2).
Ogohlantirishlar: G.Ahmedov, 25. Sindarov, 31. Yusupov, 31. Aliboyev, 31. Ahmadaliyev, 61. Saidazimov, 78. Ermamatov, 79. I.Yo‘ldoshev, 84.
