«Manchester Siti» bosh murabbiyi Xosep Gvardiola APLning 7-turi doirasida bo‘lib o‘tgan «Chelsi»ga qarshi o‘yin (1:0) borasida o‘z fikrlarini bildirib o‘tdi.

«Biz «Manchester Siti» o‘zimizni shunchaki jamoadosh sifatida emas, balki yaxlit organizm sifatida his qilishga harakat qilamiz. O‘yinchilar, xodimlar birgalikda jamoa sifatida istalgan yo‘nalishda harakat qila olishimiz mumkin. Nima bo‘lishini kutib o‘tirmaymiz.

Ha, raqibning o‘yiniga ham moslashishga to‘g‘ri keladi. Ular ham yuqori mahoratga ega. Ammo biz bugun g‘alaba qozonish uchun kelganimizni ilk daqiqalardanoq namoyish qildik.

Bu men istagan jamoa. O‘tgan mavsumda «Old Trafford»da bo‘lib o‘tgan uchrashuvning dastlabki 45 daqiqasida shunday o‘yin ko‘rsatgandik. O‘shanda g‘alaba qozona olmagandik, ammo bunga harakat qilgandik. O‘yindan qoniqish hosil qildim, boisi, biz g‘alaba qozondik va bu ishni ilk daqiqalardan amalga oshirishga harakat qildik.

Bizga «Yunayted», Xarri Keyn jamoasi qarshilik ko‘rsatishadi. Bu futbolchi har bir o‘yinda 2-3tadan gol urmoqda. Joze boshchiligidagi «Yunayted» hamisha jiddiy raqib bo‘lib kelgan. Mourinyoning bu jamoasi ancha tajovuzkor, yakkakurashlarda g‘olib chiqadi va tezkor qarshi hujum tashkil qiladi.

O‘yinchilar mana shunday uslubda (kuchli pressing evaziga) g‘alaba qozonish mumkinligi ishonch hosil qilishgan. Juda qiyin bo‘ladi, ammo buni uddalay olishimiz mumkinligini namoyish qilish muhim ahamiyatga ega.

Biz «Old Trafford», «Uayt Xart Leyn», «Emireyts» yo‘l olamiz va shunday uslubda o‘ynashga harakat qilamiz. Raqiblarimiz kuchli, ammo biz buni sinab ko‘ramiz», – dedi Gvardiola.