«Манчестер Сити» бош мураббийи Хосеп Гвардиола АПЛнинг 7-тури доирасида бўлиб ўтган «Челси»га қарши ўйин (1:0) борасида ўз фикрларини билдириб ўтди.

«Биз «Манчестер Сити» ўзимизни шунчаки жамоадош сифатида эмас, балки яхлит организм сифатида ҳис қилишга ҳаракат қиламиз. Ўйинчилар, ходимлар биргаликда жамоа сифатида исталган йўналишда ҳаракат қила олишимиз мумкин. Нима бўлишини кутиб ўтирмаймиз.

Ҳа, рақибнинг ўйинига ҳам мослашишга тўғри келади. Улар ҳам юқори маҳоратга эга. Аммо биз бугун ғалаба қозониш учун келганимизни илк дақиқаларданоқ намойиш қилдик.

Бу мен истаган жамоа. Ўтган мавсумда «Олд Траффорд»да бўлиб ўтган учрашувнинг дастлабки 45 дақиқасида шундай ўйин кўрсатгандик. Ўшанда ғалаба қозона олмагандик, аммо бунга ҳаракат қилгандик. Ўйиндан қониқиш ҳосил қилдим, боиси, биз ғалаба қозондик ва бу ишни илк дақиқалардан амалга оширишга ҳаракат қилдик.

Бизга «Юнайтед», Харри Кейн жамоаси қаршилик кўрсатишади. Бу футболчи ҳар бир ўйинда 2-3тадан гол урмоқда. Жозе бошчилигидаги «Юнайтед» ҳамиша жиддий рақиб бўлиб келган. Моуриньонинг бу жамоаси анча тажовузкор, яккакурашларда ғолиб чиқади ва тезкор қарши ҳужум ташкил қилади.

Ўйинчилар мана шундай услубда (кучли прессинг эвазига) ғалаба қозониш мумкинлиги ишонч ҳосил қилишган. Жуда қийин бўлади, аммо буни уддалай олишимиз мумкинлигини намойиш қилиш муҳим аҳамиятга эга.

Биз «Олд Траффорд», «Уайт Харт Лейн», «Эмирейтс» йўл оламиз ва шундай услубда ўйнашга ҳаракат қиламиз. Рақибларимиз кучли, аммо биз буни синаб кўрамиз», – деди Гвардиола.