«Manchester Yunayted» hujumchisi Romelu Lukaku Amerikadagi mojaroda aybsiz ekanini aytdi.
Ma’lumki, futbolchi yozda, Beverli-Xillzda dam olayotganida, «MYU» klubiga o‘tganini nishonlash maqsadida, tuni bilan shovqin-suron ko‘tarib, katta bazm uyushtirgan. Bundan ranjigan qo‘shnilar 6 marta polisiyani chaqirishga majbur bo‘lgan. Shundan so‘ng, Lukaku hibsga olinib, polisiya qarorgohiga olib ketilgan.
Sky Sports xabariga ko‘ra, 2 oktyabr kuni Los-Anjelesda bu mojaro yuzasidan sud jarayoni o‘tkazildi. Lukaku unda ko‘rsatma berib, o‘z aybini tan olmadi.
Endi prokurorlar futbolchining aybini isbotlovchi dalillarni sudga taqdim qilishiga to‘g‘ri keladi. Agar Lukaku sud tomonidan aybdor deb topilsa, uni katta miqdorda jarima kutmoqda.
