“Ravon Motors Rus” kompaniyasi Rossiya bozorida Ravon brendini taqdim etuvchi kompaniya hisoblanib, 1 oktyabrdan boshlab, aniqrog‘i Rossiya futbol ittifoqi xabariga ko‘ra, futbol bo‘yicha Rossiya terma jamoasi bilan hamkorlikni yo‘lga qo‘ydi.
 
Xabarda keltirilgan hamkorlik — Rossiya terma jamoasining 7 va 10 oktyabr kunlari bo‘lib o‘tishi kutilayotgan Janubiy Koreya va Eronga qarshi o‘rtoqlik uchrashuvidan boshlanishi aytib o‘tilgan.
 
Yirik homiy maqomida reklama huquqini qo‘lga kiritgan “Ravon Motors Rus” kompaniyasi bilan imzolangan kelishuvga ko‘ra “Ravon — futbol bo‘yicha Rossiya terma jamoasining rasmiy homiysi” mavqeidan foydalanishi mumkin.