"Chelsi" hujumchisi Mishi Batshuayi yozgi transferlar oynasi vaqtida Eden Azar bilan bo‘lgan mish mishlarga oydinlik kiritdi.
"Bu tomonlarning do‘stona suxbati edi. U jamoaga hujumchi kerakligini aytgandi, yakunda bizga Morata keldi.
Alvaro bilan munosabatlarimiz juda yaxshi. Yanvar oyida jamoadan ketmayman, oldinda o‘yinlar juda ko‘p.
O‘z imkoniyatlarimni oshirib olish niyatim bor. Murabbiy meni qo‘llab quvvatlayapti va qanday iqtidorga ega ekanimni tushuntirmoqda. Konte - tufayli oldinga boryapman", - deydi Mishi.
