Futbol dunyosi ne-ne yosh iqtidorlarni ko‘rgan, ularning erta kunda mavjud barcha tushunchalarni bir yoqqa surib, aql bovar qilmas darajada «hunar»lar ko‘rsatgancha transferlar bozorini «portlatib» yuborishganiga guvoh bo‘lgan.

Ha, futbol tobora yosharmoqda - bu fakt. Biroq «Borussiya» tizimining U-17 toifasidagi jamoasi safida o‘ynayotgan 12 yoshli hujumchi qoyilmaqom harakatlari bilan Kilian Mbappe, Martin Edegor va Kasper Dolberg kabi erta chaqnagan vunderkindlar tarixini soyaga surib qo‘ydi...

Ha, 12 yoshli Yusuf Mukoko oxirgi vaqtlarda barcha nigohlarni o‘ziga xuddi ohanrabodek jalb etyapti. Bilasiz, «Borussiya» yosh iqtidorlarga katta yo‘l ochib berishi bilan alohida maqtanishga haqli klub sanaladi.

Ammo Dortmund jamoasi ham shu vaqtga qadar bunday iste’dodni ko‘rmagan bo‘lsa kerak. Har holda, klub safidagi biror yigitcha Yusufchalik kuchli e’tibor markaziga tushgan emasdi. Xo‘sh, Mukoko nima karomat ko‘rsatdiki, barcha shu bolakay haqida gapirmoqda?

Albatta, mislsiz e’tiborga salmoqli sabab bor: yosh futbolchi o‘smirlar o‘rtasidagi bundesligani shunchaki, «ostin-ustun» qilib yuboryapti. Raqamlarda aytsak, Yusuf 7ta o‘yinda 16ta gol urdi. Hayratlanarli, to‘g‘rimi?

Vaholanki, u maydonda o‘zidan 4-5 yosh katta o‘smirlarga qarshi to‘p surmoqda. Yana bir tomoni shuki, «Borussiya» U-17-ning o‘zida ham, boshqa ishtirokchilar safida ham ko‘rsatkichlar bo‘yicha Mukokoga hattoki, yaqin keladigan futbolchi yo‘q.

Xullas, barcha mutaxassislar vunderkind kelajakda Neymar uslubida katta yulduzga aylanishini bashorat qilishdan tiyilmayaptilar.

Aytish joiz, Dortmund «Borus- siya»si ushbu bolakay masalasida vaqtida harakat boshlab, uni o‘z safiga jalb etishni paysalga solmadi. Zero, Mukokolar oilasi Germaniyaga 2014 yili ko‘chib o‘tgan bo‘lsa, Yusuf avvaliga «Sankt-Pauli» dargohida bordi.

Diqqat qiling, dortmundliklar 10-11 yoshli bolakay harakatlarini 2 yil davomida kuzatib kelishdi va yakunda yosh iqtidorni o‘z tomonlariga og‘dirishdi. To‘g‘ri, Mukoko hali-veri asosiy jamoada o‘ynay olmaydi.

Buning uchun 5 yil sabr qilishi kerak. Tushunarliki, DAVOMI