Kot-d'Ivuar (U23) terma jamoasining sobiq hujumchisi Jorj Griffitsni vatanida otib ketishdi, deb xabar beradi linfodrome. Tragediya 5 oktyabr kuni mamlakat poytaxti Abidjan qaysidur nuqtasida sodir bo‘lgan.
27 yoshli futbolchi o‘z avtomobilida bo‘lgan. Unga ikki kishi yaqinlashib kelgan va mashinadan majburlab tushurishgan. Ulardan biri yaqin masofadan to‘pponcha orqali futbolchiga o‘q uzgan, forvard o‘sha vaqtning o‘zida olamdan o‘tgan.
Griffitsning so‘nggi jamoasi Vengriyaning "Dioshdyor" jamoasi bo‘ldi. U jamoa tarkibida 2014 yildan 2017 yilga qadar to‘p surgan, ushbu vaqt mobaynida 35 o‘yinda 9 gol urishga erishgan. Yozda erkin agentga aylangandi.
Shuningdek, Griffits Yevropada Vengriyaning "Lombard" va Chexiyaning mashhur "Sparta" jamoasi tarkibida ham to‘p surgan.
