Кот-д'Ивуар (U23) терма жамоасининг собиқ ҳужумчиси Жорж Гриффитсни ватанида отиб кетишди, деб хабар беради linfodrome. Трагедия 5 октябрь куни мамлакат пойтахти Абиджан қайсидур нуқтасида содир бўлган.
27 ёшли футболчи ўз автомобилида бўлган. Унга икки киши яқинлашиб келган ва машинадан мажбурлаб тушуришган. Улардан бири яқин масофадан тўппонча орқали футболчига ўқ узган, форвард ўша вақтнинг ўзида оламдан ўтган.
Гриффитснинг сўнгги жамоаси Венгриянинг "Диошдьёр" жамоаси бўлди. У жамоа таркибида 2014 йилдан 2017 йилга қадар тўп сурган, ушбу вақт мобайнида 35 ўйинда 9 гол уришга эришган. Ёзда эркин агентга айланганди.
Шунингдек, Гриффитс Европада Венгриянинг "Ломбард" ва Чехиянинг машҳур "Спарта" жамоаси таркибида ҳам тўп сурган.
