Rossiya chempionati 2-divizionida “Torpedo” va “Tekstilshik” jamoalari o‘zaro to‘qnash kelishdi. Dastlab darvozabon raqib futbolchisini jarima maydoni ichida yiqitdi, keyin esa to‘pni jarima maydoni tashqarisida ushlab oldi, hakam esa bu vaziyatda penalti emas, jarima zarbasi belgiladi. Bu esa sharhlovchini norozi qildi.

O‘yinning 65-daqiqasida esa “Tekstilshik” futbolchisi o‘z jarima maydoni ichida to‘pni qo‘li bilan qaytardi, hakam esa penalti belgilamadi, o‘yin davom etdi.

O‘yinni sharhlayotgan jurnalist esa mazkur holatni sharmandalik deb atadi va hali match yakunlanmay turib: “Bu Rossiya futboli uchun sharmandalik. Bu men uchun ham jarima. Futbolni sharhlovchisiz tomosha qiling. Xayr”, deb ishini tashlab ketdi.