Россия чемпионати 2-дивизионида “Торпедо” ва “Текстилшик” жамоалари ўзаро тўқнаш келишди. Дастлаб дарвозабон рақиб футболчисини жарима майдони ичида йиқитди, кейин эса тўпни жарима майдони ташқарисида ушлаб олди, ҳакам эса бу вазиятда пеналти эмас, жарима зарбаси белгилади. Бу эса шарҳловчини норози қилди.
Ўйиннинг 65-дақиқасида эса “Текстилшик” футболчиси ўз жарима майдони ичида тўпни қўли билан қайтарди, ҳакам эса пеналти белгиламади, ўйин давом этди.
Ўйинни шарҳлаётган журналист эса мазкур ҳолатни шармандалик деб атади ва ҳали матч якунланмай туриб: “Бу Россия футболи учун шармандалик. Бу мен учун ҳам жарима. Футболни шарҳловчисиз томоша қилинг. Хайр”, деб ишини ташлаб кетди.
