Xorvatiyalik sobiq futbolchi Ivisa Olich terma jamoaning jahon chempionatiga chiqa olmasligini sharmandalik deb baholadi.
“Xorvatiyaning 2018 yilgi jahon chempionatiga chiqa olmasligi — sharmandalik. Men ko‘p bora takrorlaganman: hozirgi tarkib Xorvatiya tarixidagi eng kuchlilaridan biri. 7-8 nafar futbolchi dunyoning eng kuchli klublarida o‘ynashadi. Masalan, Manjukich “Yuventus”da, Perishich va Brozovich “Inter”da, Modrich va Kovachich “Real”da, Rakitich “Barselona”da, Subashich “Monako”da. Shunday ajoyib tarkib jahon chempionatiga chiqa olmasa-ya?! Ammo men ishonaman, bugun yigitlar nimalarga qodir ekanliklarini isbotlashadi va 3 ochkoni qo‘lga kiritishadi. Bu ular uchun juda-juda kerak”, dedi Olich.
