Хорватиялик собиқ футболчи Ивица Олич терма жамоанинг жаҳон чемпионатига чиқа олмаслигини шармандалик деб баҳолади.

“Хорватиянинг 2018 йилги жаҳон чемпионатига чиқа олмаслиги — шармандалик. Мен кўп бора такрорлаганман: ҳозирги таркиб Хорватия тарихидаги энг кучлиларидан бири. 7-8 нафар футболчи дунёнинг энг кучли клубларида ўйнашади. Масалан, Манжукич “Ювентус”да, Перишич ва Брозович “Интер”да, Модрич ва Ковачич “Реал”да, Ракитич “Барселона”да, Субашич “Монако”да. Шундай ажойиб таркиб жаҳон чемпионатига чиқа олмаса-я?! Аммо мен ишонаман, бугун йигитлар нималарга қодир эканликларини исботлашади ва 3 очкони қўлга киритишади. Бу улар учун жуда-жуда керак”, деди Олич.