Angliyaning “Liverpul” klubi yarim himoyachisi Emre Jan “Yuventus” klubidan bo‘layotgan qiziqishlar xusisida to‘xtalib o‘tarkan o‘z jamoasiga sodiqligi haqida gapirdi.

“Yuventus” tomonidan bo‘layotgan qiziqish men uchun katta sharaf! Lekin hozirda faqat “Liverpul” haqida o‘ylayapman. Agentim barchasidan xabardor bo‘lib turibdi.

Premyer-liga – dunyodagi eng kuchli chempionat hisoblanadi. Lekin boshqa jamoa va chempionatlarni xurmat qilish darkor.

Yurgen Kloppning “Bavariya”ga o‘tishi yoki mening boshqa jamoaga o‘tishim haqida hozircha hech nima deya olmayman. Yurgen Kloppning qanday reja tuzayotgani haqida xabarim yo‘q”, — deydi Jan.

Ma’lumot uchun, 23 yoshli germaniyalik futbolchining “Liverpul” bilan amaldagi shartnomasi 2018 yilga qadar davom etadi.