Англиянинг “Ливерпуль” клуби ярим ҳимоячиси Эмре Жан “Ювентус” клубидан бўлаётган қизиқишлар хусисида тўхталиб ўтаркан ўз жамоасига содиқлиги ҳақида гапирди.
“Ювентус” томонидан бўлаётган қизиқиш мен учун катта шараф! Лекин ҳозирда фақат “Ливерпуль” ҳақида ўйлаяпман. Агентим барчасидан хабардор бўлиб турибди.
Премьер-лига – дунёдаги энг кучли чемпионат ҳисобланади. Лекин бошқа жамоа ва чемпионатларни хурмат қилиш даркор.
Юрген Клоппнинг “Бавария”га ўтиши ёки менинг бошқа жамоага ўтишим ҳақида ҳозирча ҳеч нима дея олмайман. Юрген Клоппнинг қандай режа тузаётгани ҳақида хабарим йўқ”, — дейди Жан.
Маълумот учун, 23 ёшли германиялик футболчининг “Ливерпуль” билан амалдаги шартномаси 2018 йилга қадар давом этади.
