Janubiy Amerika qit’asida JCH-2018 saralash bosqichining so‘nggi tur o‘yinlari butun dunyo futbol muxlislari e’tiborida edi. Boisi, unda 3+1 ko‘rinishidagi Rossiya-2018 yo‘llanmalari taqdiri hal bo‘lgan bo‘lsa, ikkinchidan, Messi boshchiligidagi Argentina terma jamoasi Mundialda ishtirok etish yoki etmasligi barchani qiziqtirayotgan edi. Daholar eng qiyin va og‘ir pallada asosiy planga chiqishi yana bir marta isbotlandi.

Ekvador terma jamoasi argentinalik himoyachilar hali "uyg‘onmasidan" avval hisobni ochishga muvaffaq bo‘ldi. Romario Ibarra mehmonlar darvozasini ishg‘ol qilgan paytda hali bahsning 1-daqiqasi yakunlanmagandi. Bu esa uchrashuvdagi intrigani yanada oshirib yubordi. Xorxe Sampaoli shogirdlari asta-sekin o‘yin nazoratini o‘z qo‘llariga ola boshladilar va 12-daqiqada hisob tenglashdi. Messi Di Mariya bilan kombinasiya tashkil qildi va raqib jarima maydonchasi ichida Ekvador darvozasini ishg‘ol qildi.

Oradan ko‘p o‘tmasdan Leo markaziy himoyachidan to‘pni "o‘g‘irlab" ketdi va jarima maydonchasiga kirar-kirmas kuchli zarba bilan Argentinani hisobda oldinga olib chiqdi. "Albiseleste" oldinga chiqib olganidan keyin ehtiyotkor o‘yin qila boshladi. Ammo bitta to‘p farqi hali xavfli hisob ekanini ular bilishardi. Ikkinchi bo‘lim o‘rtalarida Lionel Messi jarima maydonchasi tashqarisidan "parashyut" uslubida gol urib, barcha masalaga nuqta qo‘ydi. Super Messi Argentina terma jamoasini o‘z ortidan boshlab Rossiyaga boradi!

Argentina KONMEBOL mintaqasida saralashni 3-o‘rinda yakunladi. Shuningdek, mazkur mintaqadan Braziliya, Urugvay va Kolumbiya termalari JCHga yo‘l olishdi. Peru qit’alararo pley-offda ishtirok etish huquqini qo‘lga kiritgan bo‘lsa, Chili JCHga bormaydigan bo‘ldi.

JCH-2018 saralash. Janubiy Amerika, 18-tur
Braziliya – Chili 3:0 (0:0, 3:0)
Gollar: 1:0 – 55 Paulinyo, 2:0 – 57 Gabriel Jezus, 3:0 – 90+3 Gabriel Jezus.
Braziliya – Ederson, Markinyos, Aleks Sandro, Dani Alves, Miranda, Koutinyo (Firmino, 87), Kazemiro, Paulinyo, Renato Augusto (Fernandinyo, 82), Neymar (Villian, 85), Gabriel Jezus.
Chili – Bravo, Bosejur, Xara, Medel, Arangis (Pulgar, 46), Fuensalida (Puch, 63), Vargas, Valdiviya, Sanches, Ernandes (Paredes, 77), Isla.
Ogohlantirishlar: Koutinyo (40), Neymar (45), Sanches (54), Isla (68).

Peru – Kolumbiya 1:1 (0:0)
Gollar: 0:1 – 56 Xames, 1:1 – 76 Gerrero.
Peru – Galyese, Rodriges (Arauxo, 46), Ramos, Trauko, Yotun (Ruidias, 71), Tapiya, Karrilyo (Reyna, 63), Kueva, Korso, Flores, Gerrero.
Kolumbiya – Ospina, Murilyo, Fabra, Aryas, Sanches, Kuadrado, Agilyar, Sanches, Xames (CHara, 85), Falkao (Moreno, 90), Sapata (Barrios, 73).
Ogohlantirish: Karrilyo (45).

Ekvador – Argentina 1:3 (1:2, 0:1)
Gollar: 1:0 – 1 Ibarra, 1:1 – 12 Messi, 1:2 – 20 Messi, 1:3 – 62 Messi.
Ekvador – Bangera, Aymar, Ramires, Velasko, Arboleda, Ibarra, Orexuela, Intriago (Uchuari, 77), Sevalyos (Valensiya, 41), Ibarra, Ordonyes (Estrada, 64).
Argentina – Romero, Merkado, Maskerano, Otamendi, Salvio (Fasio, 90), Di Mariya (Paredes, 84), Peres, Akunya, Bigliya, Benedetto (Ikardi, 76), Messi.
Ogohlantirishlar: Sevalyos (14), Akunya (51), Bigliya (61), Estrada (75), Maskerano (86).

Urugvay – Boliviya 4:2 (2:1, 2:1)
Gollar: 0:1 – 24, avtogol Silva, 1:1 – 39 Kaseres, 2:1 – 42 Kavani, 3:1 – 60 Suares, 4:1 – 76 Suares, 4:2 – 79, avtogol Godin.
Urugvay – Muslera, Ximenes, Silva (Pereyra, 77), Kaseres, Godin, Bentankur, Vesino, de Arraskaeta (Lodeyro, 77), Valverde (Rodriges, 60), Kavani, Suares.
Boliviya – Lampe, Raldes, Sagredo, Valverde, Bexarano, Chumasero (Arse, 46), Kandiya, Kampos, Machado, Kastro (Xustiniano, 57), Moreno (Alvares, 69).
Ogohlantirish: Kandiya (70).

Paragvay – Venesuela 0:1 (0:0)
Gol: 0:1 – 84 Errera.
Paragvay – Silva, Gomes, Alonso, Moreyra, da Silva (Samudio, 62), Piris, Roxas, Romero, Romero, Sanabriya (Kardoso, 56), Dominges (Bareyro, 56).
Venesuela – Farinyes, Anxel, Chanselyor, Kixada, Ernandes, Kordova (Soteldo, 57), Errera, Martines (Otero, 77), Rinkon, Murilyo (Moreno, 81), Rondon.
Ogohlantirishlar: Martines (25), Alonso (33), Roxas (39), Errera (47), Kardoso (73), Otero (86), Farinyes (90).
Chetlatishlar: Anxel (89), Gomes (89).