Oliy liganing 24-turida Jizzaxning “So‘g‘diyona” jamoasi Muborakning  “Mash’al” klubi mehmoni bo‘ladi.

USHBU MAVSUMDA
Birinchi davrada 9-turida “So‘g‘diyona” o‘z maydonida “Mash’al”ga qarshi bahs olib borgan edi. Ushbu bahsda Sunnatilla Mamadaliyev 11  daqiqada hisobni ochgan edi. O‘yinning 85-daqiqasida jamoa sardori Sanjar Rashidov hisobni 2:0 ko‘rinishiga olib kelgan edi. 90+3 qo‘shimcha  daqiqalarda  Ixtiyor Toshpo‘latov 3 golni kiritishga muvaffaq bo‘lgan va shu  tariqa bahs 3:0 hisobida yakuniga yetgan edi.

“So‘g‘diyona” o‘tgan turda “Dinamo” ga qarshi  o‘yinni o‘tkazdi va ushbu o‘yinda hisob ochilmagan bo‘lsa, “Mash’al” safarda  “Bunyodkor”ni mag‘lub eta olmadi va 4:0 hisobida  mag‘lubiyatga uchragan. “Mash’al” 34 ochko bilan turnir jadvalida  8-o‘rinni band etib turgan bo‘lsa, “So‘g‘diyona” 24 ochko bilan 12-o‘rindan joy olgan.

O‘YINI  FIFA REFERESI ILGIZ TANTASHEV  BOSHQARADI
Hakamlar: Ilgiz Tantashev (Buxoro), Abduraxmon Qo‘ldoshev (Buxoro), Xusniddin Shodmonov (Buxoro), Igor Gormashev (Toshkent).
Nazoratchi: Marat Ismoilov (Toshkent).
O‘zPFL vakili: Lyotkin Valeriy Nikolayevich

O‘ZARO USTUNLIK
“Mash’al” hamda “So‘g‘diyona”  klublari oliy ligada shu kungacha 25 bor kuch sinashishgan.“Mash’al” hisobida 11 ta, “So‘g‘diyona” hisobida 7 ta g‘alaba mavjud. 7 o‘yinda  durang natija qayd etilgan. To‘plar nisbatida ustunlik “Mash’al” tomonida:  -34:26. “Mash’al” 40, “So‘g‘diyona ” o‘zaro o‘yinlarda 28 ochkoni qo‘lga kiritgan. “Mash’al”ning eng yirik g‘alabasi 5:1, “So‘g‘diyona”ning eng yirik muvaffaqiyati ham 5:1.

“Mash’al” maydonida o‘tgan barcha uchrashuvlar:

16.09.2016 «Mash’al» — «So‘g‘diyona» 1:1
18.09.2015 «Mash’al» — «So‘g‘diyona»  0:0

03.08.2014 «Mash’al» — «So‘g‘diyona» 3:2
21.05.2011 «Mash’al» — «So‘g‘diyona» 1:1
09.11.2009 «Mash’al» — «So‘g‘diyona» 2:0

02.11.2008 «Mash’al» — «So‘g‘diyona» 0:0
10.08.2006 «Mash’al» — «So‘g‘diyona» 3:0

15.04.2005 «Mash’al» — «So‘g‘diyona» 5:1
10.03.2004 «Mash’al» — «So‘g‘diyona» 0:1

16.11.2002 «Mash’al» — «So‘g‘diyona» 1:0
31.05.1996 «Mash’al» — «So‘g‘diyona» 1:1
07.10.1995 «Mash’al» — «So‘g‘diyona» 2:0

O‘ZARO O‘YINLAR HAQIDAGI FAKT:
O‘zaro o‘yinlar haqida fakt: Muborakdagi  12 ta o‘yindan 6 tasida “Mash’al”, 1 tasida “So‘g‘diyona”  g‘alaba qozongan. 5 ta o‘yinda durang natijasi qayd etilgan.

O‘YIN VAQTI VA JOYI
Yoshlar ligasi bahsi 12 oktyabr  kuni soat 15:00 da “B.Vafoyev” nomli kichik o‘yyingohda bo‘lib o‘tadi. Asosiy tarkib uchrashuvi 13 oktyabr  kuni 16:30 da “B.Vafoyev ”nomli markaziy o‘yingohda  o‘tkaziladi.

JAMOA TO‘PO‘RARLARI
“So‘g‘diyona” jamoa sardori Sanjar Rashidov chempionat to‘po‘rarlar ro‘yxatida 4 o‘rinni egallab turibdi. Uning hisobida 12 ta gol bor. Jamoa hujumchisi Ixtiyor Toshpo‘latov hisobida esa 5 ta gol bor. Azamat Isroilov 2 ta gol, Sardor Eminov, Sarvar Jo‘rayev hisobida 1 tadan gol mavjud.

“So‘g‘diyona” matbuot xizmati