Italiyalik san’atshunos va yozuvchi Vittorio Sgarbining aytishicha, “Yuventus” klubi va Italiya termasi posboni Janluiji Buffon Italiyaning yangi sport vaziri bo‘lishga tayyor.
Sgarbining so‘zlariga ko‘ra, agar saylovlarda yangi “Tiklanish” siyosiy partiyasi g‘alaba qozonsa, Buffon mamlakatning yangi sport vaziriga aylanadi.
“Agar biz saylovda g‘olib bo‘lsak, Buffon sport vaziri bo‘ladi. U yaqinda faoliyatini tugatadi. Buffon san’at va siyosatga qiziqadi. Unga bizning partiya ilgari surayotgan g‘oyalar juda yoqadi, bu haqda o‘zi aytgan. Men Buffon bilan Triyestdagi rasmlar ko‘rgazmasida qatnashganman, o‘shanda u bizni qo‘llab-quvvatlashini aytgandi”, dedi Sgarbi.
Ma’lumot uchun, Buffon 2018 yilgi jahon chempionatidan keyin faoliyatiga yakun yasashini ma’lum qilgan.
