Италиялик санъатшунос ва ёзувчи Витторио Сгарбининг айтишича, “Ювентус” клуби ва Италия термаси посбони Жанлуижи Буффон Италиянинг янги спорт вазири бўлишга тайёр.
Сгарбининг сўзларига кўра, агар сайловларда янги “Тикланиш” сиёсий партияси ғалаба қозонса, Буффон мамлакатнинг янги спорт вазирига айланади.
“Агар биз сайловда ғолиб бўлсак, Буффон спорт вазири бўлади. У яқинда фаолиятини тугатади. Буффон санъат ва сиёсатга қизиқади. Унга бизнинг партия илгари сураётган ғоялар жуда ёқади, бу ҳақда ўзи айтган. Мен Буффон билан Триестдаги расмлар кўргазмасида қатнашганман, ўшанда у бизни қўллаб-қувватлашини айтганди”, деди Сгарби.
Маълумот учун, Буффон 2018 йилги жаҳон чемпионатидан кейин фаолиятига якун ясашини маълум қилган.
