Mana, hozir hammaning e’tibori shu 18 yoshli yigitchada, u barcha-barchaning tilida. Bondi Fransiya poytaxtiga tutash boshqa shaharchalardan aytarli farq qilmaydi.
Butun tarixda u yerdan atigi ikki mashhur shaxs chiqqan. Birinchisi - hukumatni Sharl de Goll boshqargan davrda Fransiya Madaniyat vaziri lavozimida ishlagan Andre Malro. Ikkinchisi - aynan Kilian Mbappe.
**************
Xullas, Bondining hozirgi g‘ururi - futbol vakili. Aslida Kilian ajib yurishini Parij bilan chegaradosh shaharchada sokingina boshlagan.
Rasmiy jihatdan olsak, Kilian oilaning yagona farzandi bo‘lgan, ammo o‘gay akasi Jires Kembo-Ekoko bilan birga ulg‘aygan. O‘sha vaqt Kongoda fuqarolar urushi borardi, xunrezliklar oqibatida Jires yetim qoladi va qarovsiz yigitchani Fransiyaga yuborishadi. Xullas, keyinchalik kongolik bo‘lajak futbolchini Mbappelar oilasi o‘z qaramog‘iga oladi
. «Jires bilan boshidanoq muammosiz do‘stlashganmiz. O‘rtamizda haqiqiy aka-ukalarcha munosabat shakl-langan va hozirgacha bir-birimizni qo‘llab-quvvatlab kelyapmiz», - deydi Kilian tutingan akasi haqida. Oddiy aytganda, u ota-onasiga o‘gay akasi ustidan biror marta shikoyat qilmagan.
Aksincha, Jires begona ekanligini his etmasligi uchun uni doimo o‘ziga yaqin olishga uringan. Tabiiyki, Kembo-Ekokoning professional futbolchi sifatida nom qozonganida oilaviy muhitning ta’siri ham bor, albatta.
Ma’lumot uchun aytish kerak, asli kongolik yigit keyinchalik «Renn» bilan shartnoma tuzib, klubda 7 yil davomida hujumkor yarim himoyachi vazifasini munosib bajardi.
**************
Kilianning akasi ortidan borib, futbolchi bo‘lishi erta kundayoq oydinlashgandi. «Ko‘p yillardan buyon «Bondi»da bolalar murabbiyi sifatida ishlayman, ammo gohida Kilian bilan gaplashishda qiynalaman.
Axir unga qo‘yib bersangiz, haftasiga 7 kun 24 soat davomida tinmay futbol haqida gapiradi, o‘ylaydi. Deylik, mashg‘ulotlar tugagani hamono hammadan oldin kiyinardi va imkon boricha ko‘proq o‘yin tomosha qilish uchun uyga shoshardi», - deya eslaydi Kilianning otasi Vilfrid. Tushunarliki, kichik Mbappe maktabda jismoniy tarbiya darsiga alohida mehr bergan.
Boshqa fanlarga esa yuzaki qarab, butun dars davomida daftariga klub ramzlari, mashhur futbolchilar suratini chizib o‘tirgan yoki deraza oynasiga termulgancha buyuk o‘yinchi bo‘lish haqida xayol surishdan charchamagan.
Har holda, darsga e’tiborsizligi tufayli o‘qituvchilardan har doim dakki eshitardi. Muhimi, ota-onasi uning futbolga munosabatini to‘liq qo‘llab-quvvatlashadi. 2011 yilga kelib, kichik Mbappeni «Klerfonten» akademiyasiga chorlashadi.
Bu maskan futbol olamiga Vilyam Gallas, Xatem Ben Arfa, Blez Matyuidi, Nikolya Anelka va Tyerri Anri kabi ijrochilarni tortiq etgani bilan mashhur. Kilian buni bilardi, zero, fransiyalik taniqli futbolchilarga aslo befarq qaramasdi. Qisqasi, yangi joyda uning qiziqishiyu, ishtiyoqi yanada kuchayadi.
«Ayniqsa, Ronalduning «Re-al»dagi o‘yinlaridan o‘zgacha hayratlanardim. Uning surati bosilgan
