Eronning Tabriz shahrida Markaziy va Janubiy Osiyo mintaqasidan saralash bosqichi “A” guruhi uchrashuvlari davom ettirildi.

Bahodir Ahmedov bosh murabbiyligidagi O‘zbekiston terma jamoasi 2-turda Turkmanistonga qarshi bahs olib borib, 4:2 hisobida zafar quchdi.

Mazkur uchrashuvdan avval esa Qirg‘iziston termasi Nepalni 5:0 hisobida taslim qilishga muvaffaq bo‘ldi.

Demak, so‘nggi tur oldidan ikkita g‘alabaga erishgan O‘zbekiston terma jamoasi muddatidan avval Osiyo chempionati final bosqichi yo‘llanmasiga ega bo‘ldi. Qirg‘iziston futzalchilari ham ikkita g‘alabaga erishgan holda OCH chiptasini qo‘lga kiritishdi.

Futzal bo‘yicha OCH saralashi
“A” guruhi, 2-tur
15 oktyabr, yakshanba

Turkmaniston – O‘zbekiston 2:4

Gollar: Allaberdi Meredov (37, dabl penalti), Annaguliyev (38) – Ilhom Hamroyev (13), Artur Yunusov (21), Farhod Abdumavlonov (25), Davron Choriyev (27)

Ogohlantirishlar: Ravshan O‘zormuhammedov (10) – Davron Choriyev (6), Artur Yunusov (30)

Chetlatish: Qodir Berenov (31)

O‘zbekiston (birinchi beshlik): Rustam Umarov, Dilshod Rahmatov, Farhod Abdumavlonov, Artur Yunusov, Konstantin Sviridov.

Zaxira: Akmal Hazratqulov, Anasxon Rahtamov, Mashrab Odilov, Ixtiyor Ropiyev, Dilmurod Shavkatov, Ilhom Hamroyev, Davronjon Abdurahmonov, Davron Choriyev, Husniddin Nishonov.

Eslatib o‘tamiz, O‘zbekiston terma jamoasi ilk turda Nepalni 14:1 hisobida mag‘lubiyatga uchratgan edi.  Markaziy va Janubiy Osiyo mintaqasidan saralash bosqichi “A” guruhi 2-turidan keyin turnir jadvali quyidagi ko‘rinishga keldi.

So‘nggi turda Bahodir Ahmedov shogirdlari Qirg‘iziston bilan guruhdagi yetakchilik uchun kurashadi. Hech qanday ahamiyatga ega bo‘lmagan o‘yinda Nepal va Turkmanisdan o‘zaro kuch sinashadi.

17 oktyabr, seshanba

15:30  O‘ZBEKISTON – Qirg‘iziston
18:00  Turkmaniston – Nepal

Ma’lumot uchun, Futzal bo‘yicha Osiyo chempionati 2018 yilning 6–18 fevral kunlari Xitoy Taypeyi mamlakatida bo‘lib o‘tadi. Qit’a birinchiligida jami 16 jamoa chempionlik uchun kurashadi.