Milliy chempionatimiz yakunlanishiga atigi 7ta tur qoldi. Hozirga kelib, ko‘p narsalar oydinlashgandek. Jami 184ta o‘yinning atigi 86tasida ikki taraf ham gol urish chorasini topdi.
Yanada aniqroq ifoda etsak, shuncha uchrashuvda ikki raqib tengdaniga o‘z darvozasi daxlsizligini saqlolmadi. Umuman olganda, chempionat bahslarida ishtirokchilar jami 36 nafar kiper xizmatiga ehtiyoj sezishdi.
Ular orasida 23ta o‘yin davomida biror marta almashtirilmagan Javohir Ilyosov ham, 1 daqiqacha o‘ynagan Hojiakbar Jo‘rayev ham bor.
Xullas, bugun oliy liga-2017da javlon urayotgan ikki ustun orasi yetakchilari haqida so‘z yuritamiz.
Sanjar Quvvatov. «Nasaf»ning sentyabr oyidagi 5ta o‘yinida golkiper Sanjar Quvvatov mahoratli himoyachilar bilan birgalikda ajoyib seriya qayd etdi.
Vaholanki, birinchi davrada Eldor Suyunov 10ta o‘yinda asosiy kiper vazifasini bajargandi. Sanjar 13ta o‘yinning atigi 5tasida bittadan gol qo‘yib yubordi, xolos.
Ayni payt uning «quruq» seriyasi 506 daqiqaga teng. Xullas, Quvvatov - ikkinchi davra ramziy terma jamoasidan joy olishga birinchi raqamli da’vogar.
Asilbek Omonov. 5ta o‘yinda o‘z darvozasi daxlsizligini saqlab qolgan «Navbahor» kiperi hisobida 4ta sariq kartochka bor. U shuningdek, birinchi davrada bitta penaltini bartaraf etdi.
Avvalgi mavsum «Buxoro»ning atigi 6ta o‘yinida maydonga tushgan Asilbek ayni payt chempionatimizdagi raqobatbardosh posbonlardan biri bo‘lib turibdi.
Aytish mumkinki, o‘smirlik va yoshlik paytidanoq xalqaro arenalarda toblangan kiperga o‘sha vaqtlar orttirilgan tajriba katta ko‘mak beryapti.
To‘g‘ri, uning orada ma’lum muddat birinchi ligada o‘ynagani ham unutmaslik kerak. Muhimi, Asilbek yuqoriga qarab odimlashda davom etishi shart.
Javohir Ilyosov. 2014 yili oliy liga doirasidagi 1ta, 2015 yili esa 18ta o‘yinda «Mash’al» sharafini himoya qilgan 23 yoshli Javohir joriy mavsum barcha uchrashuvlarni boshidan oxirigacha maydonda o‘tkazgan yagona posbondir.
Asli chiroqchilik kiper jamoasining turnir yakunida sovrindorlar safida bo‘lishiga ishonadi. Javohir hozirgacha ortida qolgan 23ta tur davomida 7ta o‘yinda gol qo‘yib yubormadi.
Qolaversa, yosh kiper birinchi davrada 4ta penaltidan naq 3tasida raqiblaridan ustun keldi. «Mash’al»ning 19 iyundan 22 sentyabrgacha oliy ligada mag‘lubiyat nimaligini bilmaganida ham uning xizmatlari katta.
Javohir ushbu seriya oralig‘ida 8ta uchrashuvda jami 7ta gol qabul qildiki, bu statistika ham uning yangi darajaga chiqqanidan dalolat.
Aleksandr Lobanov. DAVOMI
