21 oktyabr, shanba kuni  «Qo‘qon-1912» Oliy liganing 25-turi doirasida o‘z maydonida Namanganning “Navbahor” jamoasini qabul qiladi. Vodiy derbisiga oid statistik ma’lumotlarni taqdim etamiz.

O‘zaro o‘yinlar

“Qo‘qon-1912” hamda “Navbahor” klublari oliy ligada shu kungacha 23 bor kuch sinashishgan. 4 ta uchrashuvda “Qo‘qon-1912”ning qo‘li baland kelgan. “Navbahor” 15 ta o‘yinda g‘alaba qozongan. 4 ta o‘yinda durang qayd etilgan. To‘plar nisbatida ustunlik “lochinlar” tomonida: 50-25. “Navbahor” o‘zaro o‘yinlarda 49 ochkoga ega bo‘lgan, “Qo‘qon-1912” esa 16 ochkoni qo‘lga kiritgan.

“Qo‘qon-1912” maydonida bo‘lib o‘tgan so‘nggi besh uchrashuv:

01.10. 2016 «Qo‘qon-1912» – «Navbahor» 1:1
31.05.2015  «Qo‘qon-1912» – «Navbahor» 0:1
23.08.2003 «Qo‘qon-1912» – «Navbahor» 1:2
09.11.2002 «Qo‘qon-1912» – «Navbahor» 1:0
22.06.2000 «Qo‘qon-1912» – «Navbahor» 1:4

O‘zaro o‘yinlar haqida fakt: “Qo‘qon-1912” o‘z maydonida o‘tkazgan 11 ta o‘yinning to‘rttasida g‘olib chiqqan. Uchta bellashuvda tomonlar ochkolarni bo‘lib olishgan. Qolgan 4 ta uchrashuvda “Navbahor” safarda uch ochkoni o‘ziniki qilgan.

Hakamlar
21 oktyabr  kuni Qo‘qonda bo‘lib o‘tadigan  “Qo‘qon-1912” – “Navbahor ” uchrashuvini Hasan Ro‘ziyev boshchiligidagi hakamlar boshqarib boradigan bo‘lishdi.

Ushbu hakam bundan oldin ikki marta «Qo‘qon-1912» ishtirokidagi o‘yinni boshqargan. Hasan Ro‘ziyev boshqargan o‘yinlarda qo‘qonliklar g‘alaba qozonishgan. “Sho‘rtan” – “Qo‘qon-1912”  2-3, “Qo‘qon-1912” – “Buxoro” 2-1.

Oliy liga, 25-tur
“Qo‘qon-1912” (Qo‘qon) – “Navbahor” (Namangan)
Hakamlar: H. Ro‘ziyev (Toshkent), A. Rasulov (Toshkent), J. Saidov (Toshkent), D. Karimov (Toshkent).
Nazoratchi: I. Sharipov (Buxoro).
PFL vakili: A. Frolov.

Boshlanish vaqti
Mazkur uchrashuv shanba kuni soat 15:30da “Markaziy” stadionida start oladi. Barcha muxlislarni stadionga chorlab qolamiz.