«Chelsi» bosh murabbiyi Antonio Konte jamoada hech qanday kelishmovchilik yo‘qligini ta’kidlab o‘tdi.

«Jamoa ichida mojaro? Men bu haqda hech narsa bilmayman. Siz har 3 kunda bitta o‘yin o‘tkazarkansiz, taktika va tiklanishga vaqtingiz bo‘lmaydi. Biz kichik detallarga ko‘p vaqt ajrata olmaymiz», – dedi Konte.

Avvalroq The Times "Chelsi" futbolchilari mashg‘ulot jarayonidan norozi bo‘layotgani hamda yuqori yuklama tufayli ko‘p o‘yinchilar jarohat olayotgan bo‘lishi mumkinligi haqida xabar tarqatgandi.

Konte o‘tgan mavsumda jamoani chempionlikka yetaklab kelgan uslubdan voz kechmayapti. Murabbiy katta e’tiborni jismoniy tayyorgarlik, taktik mashg‘ulotlarga qaratib, futbolchilarga kam dam bermoqda.